اطفال تلقبوا بالقتله المجرمين

معروف دايما أن الجرائم اللى بتحصل فى العالم بيبقى المسئول عنها أشخاص كبار فى السن فى حين أن الأطفال مفروض ميعرفوش حاجه عن الجرائم دى لكن الموضوع هنا مختلف تماما لأن ابطال القصه هما اطفال ارتكبوا جرائم متقلش خطوره عن جرائم الكبار 

ومعانا النهارده 7 جرائم لاطفال فى مقتبل أعمارهم 

 

• جوشوا فيليبس 

 

الطفل دة كان عنده 14 سنه وارتكب جريمه بشعه كأنه يبلغ من العمر أعوام كتيره 

فى عام 1998 اعتدى جوشو على جارته وكانت تبلغ من العمر 8 سنوات لحد لما ماتت 

ولكن طابع الاطفال لسه موجود عنده وهوه عدم التصرف 

لدرجه ان عقله الطفولى خلاه يخفى الجثه خلف سريره 

وبعد اسبوع والدته لقت حاجه غريبه خلف السرير وراحت تشوف فيه ايه وشافت اكتر حاجه كانت لا يمكن أنها تتوقعها 

لقت جثه البنت

ولما تم اتهام جوشو قال إنه ضرب البنت بكره البيسبول فى عينها من غير قصد ولما قعدت تصرخ ساعتها جرها للبيت وهو خايف جدا وحاول أنه هو يسكنها من خلال ضربه ليها فضربها بالسكين 11 طعنه 

طبعا القضاء مقتنعش بالقصه دى واتعامل مع القضيه كأن القضيه لشخص بالغ واعتبروها قتل مع سبق الإصرار والترصد واتحكم عليه حكم معادل للأشخاص البالغين 

 

•  مارى بيل 

 

الطفله ذات الوجه الملائكى فى 1968 وهو الموافق يوم عيد ميلادها ال16  قامت بخنق طفل لوحدها والطفل دة كان اسمه مارتين براون وفى 31 يوليو من نفس العام اشتركت مع صديقتها بقتل الطفل ( بريان هو ) وكان يبلغ من العمر تلات سنوات واتقتل بنفس الطريقه عن طريق الخنق ومش بس كده دى كمان استخدمت موس الحلاقه وكتبت حرف الM على بطن الجثه وقصت اجزاء من جسمه 

ولما جت ميعاد المحاكمه اقوال الشهود كانت متضاربه جدا علشان كده القضاء مقدرش يثبت التهمه عليها واعتبر مقتل براون قضاء وقدر ولكن اتحكم على الطفلتين بالسجن بتهمه القتل غير المتعمد 

 

• برندا آن سبنسر

 

فى سنه 1979 برندا خدت البندقيه اللى والدها اهداها لها فى الكريسماس وخرجت علشان تصطاد البط من البحيرة

ولكنها قررت انها تطلق الرصاص على تلاميذ مدرسه كليفلاند 

الابتدائيه وهو نفس الشارع اللى فيه منزل أسرتها

ونتج عنها اصابه 8 اطفال

مش بس كده دى كمان حاولت تقتل معلمتها بيرتون راج والخادم مايك سوتشار 

وبعد ست ساعات من محاولتها فى استخدام البندقيه لارتكاب الجرائم 

سؤالت آن إيه سبب محاولات القتل 

وأجابت إجابه غريبه جدا وأنها بتكره ايام الاتنين لأنها مش بتمرح فيه بشكل كافى 

 

• جون فينابلز و روبورت تومسون

 

كل واحد فيهم كان بيبلغ من العمر عشر سنوات 

قتلوا الطفل چيمس واللى كان بيبلغ من العمر سنتين فقط

قتلوه بالجر ودة كان بعد ما سرقوا الحلوى اللى فى إيدة 

أثناء انشغال أبويه عنه فى واحده من المراكز التجارية وسجلت كاميرات المركز التجارى الواقعه 

 

•  جيسى بومروى

 

فى 1874 القطت الشرطه القبض عليه وكان ساعتها يبلغ من العمر 14 سنه ودة بسبب أنه قتل صبى بيبلغ من العمر اربع سنوات ودة بعد لما اقنعه أنه يروح معاه للتنزه

وأطلق على الطفل دة اسم " فتى بوسطن الشرير " وقبل الحادثه دى بتلات سنوات قام بالاعتداء على سبع صبيان آخرين  وطبعا علشان كان تحت السن القانونى تم إرساله لمدرسه لتأديب وإصلاح الاطفال 

وبعد لما خرج منها قتل طفله بتبلغ من العمر عشر سنوات داخل المتجر الخاص بأمه وبعدها بشهر قتل هوارس مولن

وكان بيبلغ من العمر اربع سنوات بعد لما اقنعه بالتنزه معاه  وشوه جسد مولن ولما استجوبته الشرطه وهل هو الذي قام بارتكاب هذه الجريمه كان رده

" اعتقد اني فعلت "

دة غير ان الشرطه عثرت على جثه الطفله ذات العشر سنوات فى قبو متجر الام ولما سألوه عنها اعترف ان هو اللي ارتكب الجريمه

وتم مقاضاه الطفل واتحكم عليه بأربعين عام سجن

 

• إدموند كمبر 

 

في عام 1964 اطلق ادموند الرصاص على جد وجدته وكان يبلغ من العمر في الوقت ده 15 عام وتسبب في وفاتهما وساعتها لم يشعر بأى ندم لانه كان بيخطط للامر من فتره وقامت هيئه كاليفورنيا بأخذ الطفل علشان يتم إخضاعه لإختبارات نفسيه وعقليه ونتيجه الاختبارات هي مرض الشك الجنوني فتم تحويله الى مستشفى اتاسكاديرو وهناك أدرك كمبر خطأه واجتهد إنه يقنع اطبائه بأنه تم شفاؤه وفعلا قضى خمس سنوات في السجن وتم التوصيه بألا يعود الى امه ولكن اداره مركز المجرمين الاحداث لم يهتموا بتوصيات الاطباء وكانت النتيجه انه بعد خروجه من السجن خلال خمس سنوات كان قتل 8 نساء وعليه يشخص الاطباء مرضه بالدفاع الجنوني وانه خطر على المجتمع

 

•  بريان وديفيد فريمان 

 

كان بريان 17 سنه وديفيد 16 هما الاتنين قاموا بقص شعرهم ورسموا تاتو بيدل على النازيه 

واكتشفوا أن الاب والام واخوهم الأصغر ماتوا اثر عنف فى بيتهم فى مدينه ساليسبرى واكتشفوا إن الطفلين هما اللى اعتدوا عليهم واعتادوا على ترهيب أسرتهم ومدينتهم بالكامل والحدث دة جعل ساعتها الأهالى فى حاله صدمه وخوف