الشحات المزيف

بنقابل فئة من الأشخاص متسممين بلقب شحاتين ومتسولين اغلبنا ممكن يتعاطف معاهم ونبدأ نساعدهم بأى شكل من الأشكال بس الموضوع زاد جدا وبقا تجارة ومش اى تجاره لا دى تجاره رابحه جدااا 

الشحات المزيف

بنقابل فئة من الأشخاص متسممين بلقب شحاتين ومتسولين اغلبنا ممكن يتعاطف معاهم ونبدأ نساعدهم بأى شكل من الأشكال بس الموضوع زاد جدا وبقا تجارة ومش اى تجاره لا دى تجاره رابحه جدااا 

طبعا فيه منهم كتير حقيقى محتاجين مننا كل الإحسان وكل المساعده واحنا بنجاهد علشان نعرف مين اللى يستحق 

 

  •  بس سألنا نفسنا قبل كده هما فيه منهم ناس فعلا يستاهلوا الإحسان ولا لا ؟ 

تعالوا نشوف 

مبدئيا كده طول عمرنا عارفين المتسول دة بيبقى يعنى ربنا يعافينا جميعا فيه حاجه بعرقلة أو مرض أو أى سبب يخليه يضطر وميبقاش قدامه اى حلول غير التسول ومع أن برضوا مهما كانت الأسباب مفروض أنه ميبقاش فيه تسول 

بس تخيلوا لما تلاقى واحد فى عز شبابه زى ما بيقولوا كده وواقف بيشحت !!!!! سليم معافى مفيهوش اى حاجه وبيمد ايده لواحد رايح الشغل أو لطالبه ولا طالب يطلب اى مساعده لا وعنده استعداد يجرى وراها سبعتلاف متر يمكن تديله حاجه!!!!! طب ما دام هوه ماشاء الله بيعرف يجرى مش بيشتغل اى شغله تكسبه لقمة عيش ليه ؟! 

 

  •  نيجى بقا لنوع تانى من المتسولين وهما 

اللي تتمارضوا ونسوا أنه من تمرض مرض 

تلاقيه ماسك اشاعات كتير ويتسول بها وحصل كتير ودكاترة كتير بصوا على التحاليل والإشعاعات رغم رفضهم التام وفى الاخر لقوها لناس المفترض أنها ماتت اساسا 

وطبعا مش هنعمل فيه ناس حرفيا تحتاج الإحسان احنا بنقول على اللى واخدها تجارة رابحة جدا

 

  •  فيه ناس تانيه بقى اللى هوه النصاب الشحات 

ودة المتسول ابن الناس طبعا أغلبنا أتعرض له  وهو اللى يدخل ويقول " لو سمحت انا بس نسيت المحفظة بتاعتى ومش معايا فلوس اروح وطبعا شكله لا يدل على أنه شحات خالص وساعتها كنا نتعاطف معاه او معاها ونديله اى حاجه يروح بيها بمبلغ معقول يخليه يروح وهو مستريح بس لو استنيت دقيقه واحده دقيقه بس هتلاقيه بيدور على شخص تانى يكرر معاه نفس السيناريو ودة من اكتر انواع التسول اللى ممكن تستفز البنى ادم يعنى المتسول يقول أنه متسول لكن ده بيصب

 

  •  فيه بقى الست اللى معاها اولاد 

حقيقى من اكتر الاشياء اللي ممكن تكون مزعجة انك تلاقى طفل أمه قادرة تشتغل وتصرف على نفسها أيا كانت الشغلانه مادام بما يرضى الله لكن هيه بتختار الطريق السهل وتقعد فى الشارع بأولادها دة لو كانوا فعلا اولادها فى ليالى الشتا البرد والأطفال عادى جدا تلاقى حد فيهم بيجرى قصاد العربيات من غير حتى ما تشوف ابنها رايح فين دة لو هما فعلا اولادها 

 

  •  فيه بقى الأطفال المشردين 

حقيقى الاطفال دى اكتر فئه مظلومه اكيد بيكونوا اطفال ملهمش عائله واحده اخد الطفل دة وعلمه التسول بكل مهارة وكأنها صنعة أو حرفة ياكل منها عيش اكيد كلنا تخيلنا ايه اللى هيحصل لو مكانش أهل الطفل دة قرروا يتخلصوا منه أو فى بعض الأحيان ليكونوا للأسف مخطوفين اكيد لو كان عايش حياة طبيعية زى باقى الاطفال كان هيكون ليه دراسه وعيله 

الطفل المتسول دة بيكون محروم من كل معاني الطفولة أو هو اصلا ميعرفهاش بس فى الاول والاخر هو بيكون ناتج عن الأشخاص اللى مستخدمين الاطفال دى فى الربح 

الكارثة الأكبر أن فيه عائلات هي التي تعلم أبناءها التسول فى الوقت اللى الاب والام قاعدين فى البيت مستنيين إيراد التسول اليومى 

ويااااااه سمعنا عن المتسولين اللى بيموتوا وبتكتشف لديهم ثروات كبيرة جداااا ويااااااه بنشوف المتسول الذى بمجرد انتهاء يومه بيعيش ويصرف ببذخ من فلوس ناس شقيانه فى القرش والصرف المتهور ده بيجى من خلال انه مش حاسس بتعب الجنيه اللى بياخد   كتير برضوا بنلاقى متسولين واقفين بيتعاركوا فى الشارع علشان واحد خد الزبون ودفع له مبلغ 

اه إحنا فى نظرهم زباين مش قولنا أنها تجارة.... 

ومعروف كل تجارة لها عملاء وزبائن واحنا بقا زباينهم

 

 للأسف كل دى حالات صعب إننا نقتنع انهم محتاجين

وطبعا احنا كلنا عارفين إن مهما كان برضوا ان الله اعلم بالنيات يعنى إحنا حتى لو تعاطفنا مع أى متسول وطلعت مبلغ انت بتطلعه لله اتحسب عند ربك صدقه ربنا هيحاسبك على نيتك حتى لو الشخص اللى قصادك كداب

 ولكن حاول تتصدق فى أماكن انت متأكد انها محتاجه أو حالات متأكد انها تستاهل مستشفيات جمعيات خيرية حالات خاصه منازل فقراء مسجد وطبعا احنا بقا عندنا نظره وعارفين اللى يستحق والذي ينصب وشحات مزيف............

ما هو رد فعلك؟

like

dislike

love

funny

angry

sad

wow