العصر الذهبى لمصر الفرعونية

طبعا كلنا سمعنا فى يوم من الايام عن عصر الرخاء الاقتصادى 
إيه عصر الرخاء الاقتصادى دة يقصد بيه ايه وايه الحكايه ؟! 
عصر الرخاء الاقتصادى وهو الدوله الوسطى أو العصر الذهبى لمصر الفرعونيه والعصر دة هو اللى نشأ بعد سقوط الدوله القديمه واللى كانت معروفه بعصر بناه الأهرامات نسبه إلى تأسيسهم للأهرامات فيها 
المهم إن زمان ايام عصر الاضمحلال الاول اللى جيه بعد الدوله القديمه كانت الدوله بتتسم بالفقر لكن فى نفس الوقت الملوك كان عندهم أموال طائله وبكده فكروا انهم يستغلوا أموالهم والموارد الطبيعية اللى موجوده فى الدولة وبيعملوا مشاريع فى كل المجالات ويشغلوا بيها كل المصريين وفعلا الدوله ابتدت تكبر لحد لما أصبحت مميزه جدا

ومن كتر تميزها اتعرفت بعصر الرخاء الاقتصادى 

* وكان من أهم مميزات عصر الرخاء الاقتصادى
   * حصلت نهضه فى الزراعه والصناعه والتجاره
   * تشغيل المناجم والمحاجر 
   * براعه الفنون والعمارة 
   * حفر قناه سيزوستريس
وبكده يبقى ذكرنا سريعا مميزات العصر 
أما بالنسبه للأسر اللى كانوا فيها وهى أسرتين الاسره ال ١١ وال١٢ وأشهر ملوكها هما الملك امنمحات الاول وسنوسرت التالت وامنمحات التالت 
* طب تعالوا ناخد فكره عن أعمال كل واحد فيهم : 

* نبدأ بأمنمحات الأول

فى البداية كده امنمحات الاول فى بدايته مكانش ملك 
اومال كان ايه ؟ كان وزير فى الاسرة الحاديه عشر لواحد من الملوك اللى مش مذكور اسمهم ومكانش ليه ورثه يقوم امنمحات يعلن نفسه ملك 2000 ق.م ويبدأ يعمل شويه اعمال 
اول حاجه زمان كان حكام الأقاليم معروف عنهم بنفوذهم العاليه اللى كانت ساعات كتير بتبقى أعلى من نفوذ الملك فى حاله ضعفه ولكن امنحنات جيه وعرف يخضعهم لكن فى نفس الوقت حافظ على علاقاته الوديه معاهم ولم يسلبهم نفوذهم مقابل انهم يدينوا ليه بالولاء والطاعه 
تانى حاجه عملها وهو أنه نقل العاصمه من طيبه لاثيت تانى
وهيه معروفه بالقابضه على الارضين ويقصد بيهم الشمال والجنوب وبعد كده بدأ يأمن حدود البلاد مهو كان اتعلم بقا من اخر مره تم استغلال مصر وتم غزوها من الاسيويين خصوصاً إن كان فيه خطر جديد بيهدد مصر وهو خطر الليبيين واخر حاجه ممكن نفتكرها ليه وهو أنه عمل سور وسماه سور امنمحات على اسمه امنحنات المبجل موجود فى النوبه 

* سنوسرت الثالث 

كان سنوسرت رجل سياسى بارع وبيهتم جدا بأمور التجاره الخارجيه لدرجه انه حفر لينا قناه وسماها قناه سيزو ستريس وطبعا كانت مهمة جدا ودة لأنها ربطت البحرين الأحمر والمتوسط عن طريق نهر النيل وادى لزياده فى العلاقات التجاريه بين فلسطين وسوريا وجزر البحر المتوسط مثل كريت وقبرص وبلاد بونت وهى النوبه حالياً
ومش بس كده دة أمن حدود البلاد وعمل قلعتين سمنه وقمنه فى النوبه ودة بسبب إن النوبه ليها اهميه ذات بعد استراتيجي يعنى النوبه بالنسبالنا بمثابه بوابه لو وصلت ليها الغزاه وسيطرت عليها يبقى سيطرت على مصر كلها علشان كده اهتم ببناء القلعتين 
ونقش لوحه كده زى ما تقولوا تحذير مضمونها وصيه ليه لأبنائه وهو اللى هيحافظ على الحدود فهو ابنه وولده ومن لم يحافظ فهو ليس ابنه ولا من صلبه 

*=امنمحات الثالث

كان معروف عنه اهتمامه الكبير فى كل المجالات وخصوصاً الزراعه ودة اللى بنثبته من خلال إنه اهتم بأمور الرى فأقام سد اللاهون والسد دة ساعد على زياده الأراضى المزروعه وتنظيم الرى دة غير انه اول من أقام مقياساً للنيل عند الجندل التانى ودة لتحديد المساحات المزروعه وتقدير الضرائب يعنى نفترض لو تم قياس النيل بالمقياس ووجدوا أن منسوب الماء قليل معناه ان المساحات المزروعه هتقل والبيع والشراء هيقل وبكده الضرائب هتقل والعكس صحيح 
وبرضوا انشأ هرم هواره فى الفيوم هو مكانش بنفس حجم باقى الاهرامات بس ايا كان كان هرم 
دة غير معبد اللابرنت أو قصر التيه اللى عمله 
* ومن بعد الملك امنمحات الثالث بدأ يجلس على عرش مصر ملوك ضعاف ترتب عليها سقوط الدوله الوسطى وبرضوا بسبب زياده نفوذ حكام الأقاليم وتصارعهم على الحكم وتصارعهم مع البيت الفرعونى ونتج عنه سقوط الدوله الوسطى وبدأت الأطماع تزيد لحد لما استطاعت قوه كبيره دخول البلاد وهى مرحله الاضمحلال التانيه وظلت من الاسره الثالثه عشر حتى السابعه عشر وعصر الاضمحلال هو حاله من الضعف الذى تصيب الدوله فى فتره زمنيه معينه   والاستيلاء عليها وهم 

* الهكسوس 
الهكسوس هم قبائل بدوية جاءوا من آسيا عبر فلسطين ليسيطروا على البلاد بغزوها والغزو هو السير لقتال دوله وسلب منها أراضيها وبيوتها
وفعلا دخل الهكسوس مصر ونجحوا أنهم يسيطروا على الدلتا وأقاموا عاصمتهم فيها فى شرق الدلتا وهي اورايس 
ونزلوا على منف واستولوا عليها وعلى أقاليم مصر الجنوبيه 

 * طب وكان فين المصريين ساعتها ؟! 
المصريين كانوا منقسمين وفى حاله فوضى بسبب تصارع الحكام اللى نتج عنهم تفكك الدوله دة غير كثره عدد الهكسوس اللى فاقت عدد المصريين بمراحل وبراعتهظ الحربيه واستخدامهم لأسلحه حديثه لم تكن عن المصريين 
وبالفعل دخلوا مصر واطلقوا المصريون عليهم الملوك الرعاه ودة بسبب أنهم استولوا على مصر بدون وجه حق 

 * طيب ازاى عاملوا المصريين والحضارة المصريه خصوصا انهم كانوا بدو ومكانش عندهم أدنى معرفه بالحضارة : 

مبدأيا كده عاملوا المصريين أسوأ معامله فى التاريخ وكانوا بيخربوا معابدهم وينهبوا أموالهم وبالرغم من كل دو كانوا بيفرضوا عليهم ضرائب وبينوا قلاع وحصون ويفرقوا عليها قواتهم حتى يسكتوا السن جميع المصريين ولا يتجرأ اى شخص فى الثوره ضدهم أما بالنسبه لتعاملعم فى الحضاره

فهم تأثروا بيها جدا لدرجه انهم لبسوا الملابس المصريه وتحدثوا اللغه المصريه وتلقبوا بالالقاب المصريه ومش معنى كده إن المصريين هيحنوا لهم ولا هينسوا اللى حصل 
فضل كره المصريين للهكسوس كبير حتى جاءت أسرة من أمراء طيبه وقرروا بأنهم هيطردوا الهكسوس من البلاد وكانت الاسره مكونه من اب وام وولد كبير وأخوه الأصغر 
الاب هو سقنن رع والابن الأكبر  كامس والام اياح حتب والابن الأصغر احمس 
واول من هيخوض الحرب وهيه المرحله الاولى بحري التحرير وهو سقنن رع ولكنه هيتوفى فى اول المرحله 
واللى هيستكمل الحرب من بعده هو كامس ابنه الكبير ولكن للأسف هيتوفى برضوا وبكده ميتبقاش غير الابن الأصغر وهو احمس وكان فى حيره وتردد من ملاقاه الهكسوس اللى قتلوا والده وأخوه ولكن والتدته شجعته على الحرب ليستكمل مسيره أبوة وأخوه ومفكرتش أنها تبعده عن الحرب خوفا من خسارته لأنها كانت مصلحه البلد بالنسبه لها اهم من أرواح ذويها وبدأت تبث الحماس فى احمس وفعلا بدأت المعركه وفعلا بدأ احمس يفكر ولكن فكر فى اسباب هزيمه والده وأخوه ليتفادى الأخطاء وبعدين أدرك إنه لازم له إنه يكون لديه نفس مستوى سلاح الهكسوس ليحدث تكافؤ عسكرى وفعلا صنع احمس العجلات الحربيه وحاصروا عاصمتهم اواريس واستطاع هزيمتهم وملاحقتهم حتى عادوا إلى بلادهم وبذلك يكون انتهى عصر الاضمحلال ليبدأ عصر جديد وهو عصر الدوله الحديثه............