انتقام قطه الجان

انا محمد عندى ٢١ سنه وهحكى النهارده عن قصه حصلت لجدتى حقيقى انا مسمعتهاش منها لانها مش عايزه تفتكر اى حاجه عن الموضوع دة بس اللى فاكره كل تفاصيله هيه امى وحكيت لنا القصه دى والقصه بتبتدى فى يوم من الايام وكان بيت جدى وجدتى بدورين وفيه حوش دة دايما القطط بتتجمع فيه وفى الوقت دة كانت تيته عازمه اختها وعيالها عندها ومحضره الاكل على الطبليه مهو زمان مكانش فيه سفره اوى يعنى مكانتش منتشره زى دلوقتى المهم وكانت بتحضر ولقت قطه طلعت على الاكل نبشت فيه بضوافرها طبعا جدتى انفعلت جدا وخدت المقشه وهاتك يا ضرب فى
 القطه بس هيه كانت قصدها تهش القطه من على الاكل يعنى بس خانها الحظ والمقشه خدت عين القطه طبعة القطه نطت بسرعه وطلعت تجرى تيته كانت اتخنقت من الاكل اللى باظ وبدأت أنها تغرف اطباق تانى وكانت حاجه فى منتهى الإزعاج دة غير أنها زعلت على القطه بس كانت تعمل ايه دة غصب عنها يعنى مش قاصده 

المهم من ساعتها وتيته على حسب كلام ماما بقا عينيها تعبانه جدا جدا وبتورم بشكل كبير جدا من غير سبب ومش شايفه بيها راحت لدكتور وتلاته وعشره ومفيش فايده لحد لما واحده جارتها قالتلها عليكى وعلى الشيخ ايوب وجدتى راحت معاها وحكيت الشيخ ايوب كل حاجه فقالها إن القطه دى بنت من بنات الجان مش مجرد قطه عاديه علشان كده
 هيه بتنتقم منك فى نفس العين اللى اذيتيها فيها بس انا هحاول اعمل ما بينكوا مصالحه فجدتى قالتله يعنى ايه اللى هيحصل وطبعا كل دة امى كانت مع جدتى عند الشيخ خايفه ومرعوبه فقالها هتعرفى كل حاجه فى أوانها  بس اللى هقولك عليه اعمليه قالتله حاضر طبعا يارب اخلص من اللى أنا فيه قالها هتخلصى بس كل شئ بميعاد واتفق معاها
 ياخدها عند المقابر وفعلا راحت معاه والكلام دة كان وقت الفجر وقالها كلام تقوله وهيه واقفه وابتدت فعلا بس فجأه حست برعشه وبدأت تدوخ واغمى عليا ولما فاقت لقت نفسها فى شقتها وهيه مش فاهمه ايه اللى حصل ولا هيه عملت حاجه غلط ولا ايه بس قطع تفكيرها الشيخ كان جايلها وماسك فى أيده شوال كبير ودخل بيه وبدأ يحضر حاجته وقالها يلا يا ست إحسان هنبتدى قاعده الصلح وقعد يعمل حاجات ويقول كلام مش فاهمينه لحد لما امى وهيه واقفه حست بسخونيه جامده من الاوضه وبدون اى مقدمات لقينا
 واحده قاعده قصادنا طول ما امى بتحكيلى وانا يلاحظ إن ملامحها بتتغير لدرجه انى خوفت عليها وقولتلها متكمليش يا امى لو هتتعبى بس هيه أصرت تحكيلنا هيه دايما متعوده تحكيلنا بس الحكايه المره دى غير كل مره 
المهم نرجع لمرجوعنا وظهرت الست دى وكان شكله ست عاديه جدا وقالت اللى حصل وأنها كانت عايزه تنتقم من
 جدتى علشان اللى عملته وفضل الشيخ يتكلم بكلام غريب لحد لما قال أنها وافقت إنه يحصل صلح بس بشرط وطبعا سألوه إيه الشرط دا فقالنا أنها متأذيش اى حيوان تانى يا اما هيصيبها نفس المرض والمره دى مش هيكون فيه صلح ابدا 
وطبعاً جدتى اتعهدت أنها مش هتأذى اى حيوان تانى وساعتها الشيخ طلع رغيف وقسم الرغيف نصين وعطا نص لكل واحده فيهم وقال لكل واحده تاكل جزء من الرغيف اللى معاها ولما تاكل منه تبادل النص رغيف مع التانيه وفعلا دة حصل وجدتى بقت كويسه والست دى اختفت برضوا بدون اى مقدمات زى ما دخلت ومن ساعتها وجدتى مش بتقدر حتى تشوف شكل القطط وعندها فوبيا كبيره منها هيه وامى
 إن مش دايما القطط بتبقى قطط ساعات بيكونوا جن على هيئه قطط فخلى بالك ومتكررش غلطه جدتى........