تعويذه غيرت حياتى إلى جحيم

انا عمرو عندى ٢٣ سنه فى كليه هندسه مفروض أنى فاضلى سنه واخلص على خير عليتنا بسيطه وجميله جدا معنديش غير اخت واحده وهيه دلوعه العيله والصغنونه بتاعه البيت لحد لما فى يوم اتقدملها عريس كويس وشكله متحرم ومركزه كويس بس طبعا احنا قعدنا نسأل عليه كتير جدا مهو برضوا دى بسنت دلوعه العيله مينفعش تروح لأى حد وفعلا سألنا عليه قالوا انهم ناس فى حالهم اوى بس دى حاجه كويسه يعنى بدل ما يبقى بيختلطوا بالناس بشكل فضولى

تعويذه غيرت حياتى إلى جحيم

انا عمرو عندى ٢٣ سنه فى كليه هندسه مفروض أنى فاضلى سنه واخلص على خير عليتنا بسيطه وجميله جدا معنديش غير اخت واحده وهيه دلوعه العيله والصغنونه بتاعه البيت لحد لما فى يوم اتقدملها عريس كويس وشكله متحرم ومركزه كويس بس طبعا احنا قعدنا نسأل عليه كتير جدا مهو برضوا دى بسنت دلوعه العيله مينفعش تروح لأى حد وفعلا سألنا عليه قالوا انهم ناس فى حالهم اوى بس دى حاجه كويسه يعنى بدل ما يبقى بيختلطوا بالناس بشكل فضولى
 وتمت الخطوبه وبسنت كانت فرحانه اوى وكان دايما ام محمد خطيبها بتيجى ومعاها فرح بنتها وكنت كل مره بحس بشعور كده وكأن إن فرح مشدودالى بس برجع اقول ممكن اكون بيتهيألى وبتاع انا فى طبعى كنت شخص رياضى جدا يعنى چيم بقا وبتاع ومضيها وعدت الايام واختى قربنا تتجوز وانا امتحاناتى قربت والغربيه انى ابتديت اتكلم مع اخت محمد على طول وبقا مش بيعدى يوم غير لما اكون مكلمها بالخمس ساعات والغريبه اكتر انى لما كنت برن عليها كنت بتفاجئ ان محمد هوه اللى بيرد عليا وبيدينى أخته الهام ولا كأن المفروض إنه عيب وميصحش وبقا كتير اوووى اكلمها ويومى مش بينتهى غير بيها لحد لما ابتديت احس انى هضيع فى الامتحانات اللى خلاص داخل عليها كام يوم وقولتلها بوصى يا إلهام انا مش هقدر اتكلم معاكى تانى علشان انا مش هفتح كتير أنا ورايا مذاكره ومش هينفع الكلام كل شويه دة لقيتها اتضايقت وقعدت تصوت وتعيط وتقولى مش بمذاجك انتى تكلمنى وكل دقيقه كمان طبعا ساعتها انا كمان اتعصبت عليها وقفلت الكلام وكنت مخنوق ونزلت أتمشى شويه فى الشارع وانا ماشى لقيت نفسى فقدت توازنى ووقعت فى حفره وقعدت اصوت إن حد يطلعنى ملقتش من كتير التعب نمت بس صحيت على حد بيكلمنى طبعا اتخضيت بس لقيتها امى !!! عرفتى مكانى منين يا امى 
يابنى انت كنت داخل تنام وروحت فى النوم وانت قاعد على المكتب مينفعش كده ظهرك هيوجعك لقيت نفسى بقاطعها بقول يعنى ايه انا متأكد انى كنت واقع فى حفره ومش عارف اطلع قالتلى يابنى تلاقيه كابوس مش اكتر ومن ساعتها وانا حياتى اتغيرت مبقاش فيه جديد بكلم اخت خطي اختى كل يوم لحد واكتر من الاول لحد لما قولت لازم اهتم بمذاكرتى واللى يحصل يحصل بقيت اقفل النت بالساعات على أمل انى اعرف اذاكر لكن مفيش اى فايده قولت انزل أتمشى شويه وانا ماشى مش عارف ليه لقيت نفسى داخل شارع المقابر من غير اى خوف واول ما رجلى لمست الشارع لقيت واحده شكلها مرعب بتهجم عليا عايزه تخنقنى وبتتتمتم بكلام غريب وطبعا قعدت أجرى وهيه تجرى ورايا لحد لما رجعت البيت لقيت امى عماله تعيط هيه واختى وقالبين الدنيا كلها عليا ويقولولى يابنى انت كنت فيه احنا كنا هنموت من القلق فقولتلهم فيه ايه بس يا جماعه دى كلها ساعه ورجعت امى قالتلى ساعه ايه ولقيت ابويا اتعثب وقالى انت حد شربك حاجه ساعه ايه اللى انت غيبتها احنا مش لاقيينك من امبارح طبعا أنا انهارت على الأرض وقعدت احكيلهم على كل حاجه من الاول امى قالت لازم نجيب شيخ يقرى عليك انت فيك حاجه غلط وفعلا جابت الشيخ وانا غيبت عن الوعى وحسيت كأنى على قمه جبل وفيه ناس
 غريبه بتضحك مفوقتش من اللى انا فيه غير والناس بيسلكوا رقبه الشيخ من ايدى والشيخ مش قادر ياخد نفسه وخد بعضه ومشى وقالهم بس على الحاجات اللى اعملها من غير
 ما يدخل البيت تانى ومن شيخ لشيخ لحد لما صعبت على خالى وقالى انا عندى الحل انا هجيبلك واحد دكتور فى الروحانيات بس هوه مشترط تروح انت اللى تجيبه وفعلا روحت وكان شكله وريحته غريبه جدا وبعد كده ابتدت الجلسه ولقيت نفسى فى نفس المكان ولقيت الست اللى
 شوفتها فى المقابر بتعيط وتصوت وفجأه راحت جايه مولعه 
وهيه بتتحرق كانت بتشاور على مكان المقابر ولقيت صوره ليا بعدها فوقت والشيخ قالى إن حد عاملى عمل زى ما
 بيقولوا ودافنه فى مكان بس مش عارف فين المكان دة طبعا أنا بقيت عارف خلاص وبسرعه طلعت أجرى من البيت وروحت على المكان وقعدت احفر جمب القبر اللى الست وقعتنى فيه لحد لما لقيت صورتى وهدومى مدفونين ومكتوب عليهم كلام بشع وروحت بيهم للدكتور وعرفت إن اللى عمله اخت خطيب اختى وامها والدكتور قالى أنهم هيشربوا من نفس الكاس وطبعا فسخنا الخطوبه واختى كانت خلاص كرهت العيله لأنها شافت بنفسها اللى جرالى والحمدلله ربنا خلصنا منهم وبعد شهور عرفنا إن ام خطيب اختى ماتت محروقه والبنت بعدها بمده اختفت وبعد كده لقوها ميته بصدمه قلبيه جنب نفس المقبره ومحدش عنده تفسير منطقى إيه اللى جابها هنا وحصل ايه اما لنا فرجعت تانى دراستى صحيح السنه راحت عليا بس لقيت نفسى خصوصا انى بقيت اقرب إلى الله من ساعه الحادثه دى........

ما هو رد فعلك؟

like

dislike

love

funny

angry

sad

wow