دميه العجوز المسكونه

الدميه دى معروف عنها إن عمرها اكتر من 200 عام وأنها كانت واخده سمعه سيئه جدا وشهره واسعه نتيجه الحوادث الناتجه عنها فى كل مكان يتم وضعها فيه 

دميه العجوز المسكونه

كريس والتون هو الشخص الذى عثر على دميه لسيده مسنه تحت أساس منزل مهجور ولكنه مكنش يعرف انها بدايه اللعنه


الدميه دى معروف عنها إن عمرها اكتر من 200 عام وأنها كانت واخده سمعه سيئه جدا وشهره واسعه نتيجه الحوادث الناتجه عنها فى كل مكان يتم وضعها فيه 
واشتهرت بأنها اكتر الاشياء الملبوسه فى استراليا 
والتون اللى ساكن فى مدينه "وور وى" بيقول إنه فى يوم لقا العروسه بتحك دقنها بإشاره على إن فيها الروح 
دة غير أنها بتحرك حاجات فى البيت بطريقه مرعبه 
دة غير ان لو شخص لمسها هيشعر بوجود بنبض بشرى فى العروسه 

وفى تقارير صحيفه " ديلى ميل" بتقول ان الدميه اصلا كانت مصنوعه مخصوص لطفل غرق فى الماء
فيه ناس كتير ممكن يقولوا ان دى خرافه وان اكيد الدميه مش ملبوسه لكن للاسف الكلام دة مش حقيقى لأن والتون 
نشر وقال إن الدميه اتحركت قصاد 200 شخص يعنى فيه شهود وادله على مصداقيه كلامه 
دة غير أن الروح اللى موجوده فى الدميه بتتجسد على اكتر من شكل فممكن مثلا تكون على شكل حيوانى أو شكل بشرى 
دة غير ان كتير من الأشخاص اللى بيشوفوها بيدخلوا فى نوبات هيستيريه 

وفى السبعينات كان كريس والتون فى العشرينات من عمره ساعتها رجع لمسقط رأسه واجا واجا نيو ساوث ويلز علشان يحضر جنازه ولكنه كان بيحكى عن طفولته بخوف وعن المنزل المهجور الموجود ومعروف عنه إنه مسكون 
وساعتها شعر إنه لازم يتغلب على مخاوفه ودقرر إنه هيدخل المنزل فى منتصف الليل ودة علشان يستكشف ايه اللى موجود فى المنزل وينهى مخاوفه 

ولما دخل لقا إن القبو مفتوح ودخل فيه على ضوء الشمع متغلب على خوفه ولكن اللى شافه كان غير متوقع...
شاف عينين بتبصله فى الضلمه طبعا هو ساعتها اتخض 
وتبين أنها لدميه صغيره مهمله وكانت على عكس باقى الدمى اللى بتتميز بأنها لطفل صغير ولكن الدميه دى كانت لإمرأه عجوز وكان مظهرها غريب ومخيف جدا 
ومن المفترض أنه ياخد بعضه ويطلع يجرى لكن حاجه جواه وكأنه قرار فى نفسه بيقوله إنه ياخد الدميه دى معاه ويطلع بيها 

وفعلا خدها وطلع بيها وحاول إنه يدفنها تحت البيت 
علشان يبعدها عنه لكنه مقدرش إنه يعمل كده 
وقرر إنه يبيعها ويستفاد بالمبلغ اللى هيحصل عليه بعد لما تتم عمليه البيع 
وبالفعل لقا الشخص اللى هيشتريها وتمت عمليه البيع وكان فى غايه الفرحه إنه تخلص من الدميه دى وكمان كسب من ورا التخلص منها 
لكن فرحته مكملتش ودة علشان شعر برغبه ملحه جدااا إنه يرجع الدميه دى تانى وياخدها وكأنها بتطارده وبالفعل وقف عمليه البيع 
من كتر ما الدميه دى كانت سبب فى إثاره فضوله عرضها فى المتاحف علشان يعرف عنها اى معلومات لكنه فشل فى إجاده اى معلومات عنها ومعرفش عنها إلا إن عمرها اكتر من 200 عام 
والغريب اكتر إن شعر الدميه دى طلع شعر بشرى حقيقى ومش مجرد شعر الدميه 
دة غير ان تحت شعرها تكوين مشابه لمخ الإنسان 
تاريخ الدميه بدأ يتعرف اكتر لما بدأ علماء الأرواح يجيبوا معلومات عنها ويهتموا بأمرها وتبقى محط اهتمامهم 
وأنهم قالوا إن العروسه دى صنعت على ايد شخص متمكن فى صناعه العرائس الماريونت وإنه عملها على شكل إبنه الصغير لكنه بالغ فى الملامح زى ما بيحصل فى كل عرايس الماريونت وإن إبنه دة كان اصلا متوفى بسبب إنه غرق وهو فى سن السادسه
وقالوا إن الدميه متمكنه من إيواء النفس البشريه بعد الموت 
ودة بمعنى إن الدميه قدرت تجسد روح ابنه الغرقان وإنه يكون موجود فى العالم المادى 
والدميه دى مش بس بتثير فزع الأشخاص دى كمان بتثير فزع الكلاب وسرعان ما بيفضلوا ينبحوا بمجرد روئيتهم ليها 
ولو شوفت الدميه دى متحاولش انك تبص فى عينيها لانك ساعتها هتدخل فى نوبه بكاء واكتئاب غير طبيعيه وغير مبرره حتى إن بعض السيدات اللى بيشوفوها بيجيلهم نوبات عصبيه حاده بمجرد نظرتهم ليها 

تخيل لو لقيت الدميه دى فى زاويه من زوايا اوضتك دلوقتى هتتصرف ازاى؟!.................

ما هو رد فعلك؟

like

dislike

love

funny

angry

sad

wow