شكل الأرض وأبعادها

هيه الأرض شكلها عامل ازاى ؟! 
مبدأيا كده الارض كرويه بس ازاى فى نفس الوقت بنشوفهى مسطحه دة اللى هنعرفه دلوقتى : 

احنا بنشوف إن الأرض مسطحه ودة بسبب اننا بنشوف جزء بسيط من سطح الأرض يعنى بنشوف مساحه صغيره لكن لو جربنا نركب سفينه فضاء هنشوف من فوق إن الارض كرويه 
ونتيجه إن الارض كرويه حصل كده شويه حاجات عايشين عليها 
مبدأيا كده نتيجه إن الارض كرويه علشان كده اشعه الشمس بتسقط على جزء من سطح الأرض وعدم سقوطها على الجزء الآخر ودة اللى بنسميه ظاهره الليل والنهار 

دة غير إن بقا فيه اختلاف فى سقوط زاويه اشعه الشمس وترتب عليها أن الشمس مش بتنزل بزوايا واحده ونتج عنها اختلاف فى درجات الحرارة والمناخ والكائنات الحية والموارد الطبيعية والبيئه 
حد تانى ممكن يجى ويقول أنا مش مقتنع إن الارض كرويه ما يمكن تكون مسطحه 
طب تعالوا نتخيلها مسطحه ساعتها اشعه الشمس كلها هتنزل فى وقت واحد ودة معناه إن هيبقى الوقت نهار فى كل العالم

دة غير إن اشعه الشمس هتنزل بزاويه ثابته ودة معناه إن مش هيبقى فيه اختلاف فى درجات الحراره ولا فى البيئات ولا النبات الطبيعى ولا فى الكائنات الحية بس هل دة اللى موجود ؟! اكيد لا لان احنا عندنا تنوع فى كل حاجه ودة يثبت إن الارض كرويه مش مسطحه 
* ابعاد الأرض
يؤسفنى اقولكوا إن الارض مش كرويه أو يعنى بمعنى اصح غير كامله الاستدارة يعنى مش على شكل كوره اوى يعنى ودة بسبب إن القطر الاستوائى اطول من القطر القطبى وبينتح عنه  إن الارض أصبحت غير كامله الاستدارة وإن الأرض منبعجه من عند الاستواء ومفلطحة من عند القطبين

طب ايه إلى هيحصل لو كان الطر الاستوائى فى نفس طول القطر القطبى ؟!  
طبعا ساعتها كانت هتبقى كامله الاستدارة ولكن طبعا هيه مش كامله الاستدارة 
* احنا عارفين خطوط الطول ودوائر العرض
مبدأيا كده خطوط الطول ودوائر العرض احنا بنقول عليهم شبكه الاحداثيات طب احنا بنعمل بيها ايه او بتفيدنا فى ايه ؟! هيه بتسهل علينا دراسه سطح الأرض
بالنسبه لخطوط الطول : هيه عباره عن انصاف دوائر وهميه بتصل من القطب الشمالى حتى القطب الجنوبى 
عباره عن ٣٦٠ خط طول بيقسم بينهم خط الطول الرئيسى خط جرينتش وهو درجته صفر 
طب ليه سميناه جرينتش؟! نسبه إلى الموتمر اللى اتعمل فى جنوب لندن فى جرينتش قرروا أنهم يطلقوا عليه اسم جرينتش 
طيب ايه هيه فوائد خطوط الطول ؟ 
انها بتعرغنا المواقع شرق وغرب خط جرينتش غير أنها بتعمل على معرفه فرق التوقيت بين الدول 
فمثلا لو عندنا القاهره والخرطوم على خط طول واحد معنى كده إنهم ليهم نفس التوقيت فمثلا لو القاهره الساعه بيها تلاته عصرا معنى ذلك إن الخرطوم أيضا تلاته عصرا 

ما بين كل خط طول والتانى اربع دقائق يعنى لو يقع القاهره على خط طول وتونس على خط طول فالفرق بينهم فى التوقيت اربع دقائق يعنى لو القاهره الساعه اربعه معنى ذلك

 إن تونس الساعه فيها حالياً اربعه واربع دقائق 
وكلما اتجهنا شرقا كلما تقدم الوقت اربع دقائق 
طيب ليه لما بنتجه شرقا الوقت بيتقدم ؟!
لأن الأرض بتدور حول نفسها كل ٢٤ ساعه فبتسقط اشعه الشمس على الجزء الشرقى شرق خط جرينتش قبل الجزء الغربى
* دوائر العرض : هيه دوائر وهميه متوازيه غير متساويه تدور حول الأرض 
عباره عن ٩٠ دائره عرض بتقسمهم دائره الاستواء وبتكون درجتها صفر فى الشمال هنلاقى مدراس السرطان يقابلها مدار الجدى فى الجنوب والاتنين درجاتهم ٢٣,٥ والدائرة القطبيه الشماليه يقابلها الدائره القطبيه الجنوبيه والاتنين درجاتهم ٦٦,٥ والقطب الشمالى يقابلها القطب الجنوبي والاتنين درجاتهم ٩٠ 

فائدتها : 
بتقسم الكره الارضيه إلى مناطق حراريه تحدد فيها الرياح والامطار ودرجه الحراره وبتعرفنا الموقع شمالا وجنوبا 

أما الفائده المشتركه ما بين خطوط الطول ودوائر العرض وهى إن الاثنان يحددوا مواقع المدن والبلدان على الخريطه