عباده الفراعنه القدماء للصيدلى

زمان عند القدماء المصريين الفراعنه كانوا بيعيدوا الصيدلى
لدرجه انه كان الرجل التانى عبادهبعد الملك
وفقا لتاريخ كتاب الصيدله اللى بيتم تدريسه فى الجامعات المصريه فكان الصيدلى بمثابه الإله والرجل التانى بعد الملك لدرجه ان مكانش فيه حاجه اسمها دكتور بشرى لأن الصيدلى هوه اللى كان بيعمل كل حاجه بيشخص المرض ويخترع العلاج ويعالج بيه المريض وبعد ما زادت الأعباء على الصيدلى قرروا أنه يجيبوا مساعد ليه والصيدلى يعلمه إزاى يشخص الأمراض وبعد كده الصيدلى يتفرغ لأختراع العلاج ومع تطور الزمن الشخص اللى اتعلم ازاى يشخص الأمراض على ايد الصيدلى أصبح بمرور الوقت طبيب بشرى

• " طيب هوه الصيدلى اتعلم الصيدله فين؟! "

الموضوع بدأ بالأعشاب فى البدايه المصريون عرفوا إن فيه اعشاب ممكن تضر وممكن تفيد فبدأ يسجل المفيده والضاره علشان يستخدم المفيده فى تحسين صحته ويتجنب الضاره خوفا على صحته وكان القدماء المصريين اول ناس تسجل وصفاتها على  أوراق البردى واعتبروها رسائل من الألهه لدرجه إن الاعشاب دى بتعيش فيها أرواح الألهه 
الكهنه كمان احتفظوا ببعض اسرار الاعشاب علشان يعالجوا بيها نفسهم من الأمراض ومنها بدأت تظهر السحر وعلوم الكيميا
بأختصار علوم الصيدله كانت هيه محور اهتمام البشريه من قبل حتى ما نسمع كلمه حضاره ودة لأنها كانت أساس صحه الإنسان 

• " إيه علاقه الصيدله بالسحر " 

القدماء المصريين كانوا بيعتبروا إن الأمراض عباره عن أرواح شريره زى ما كانوا بيعتبروا إن الاعشاب بتسكنها أرواح الألهه فكانوا بيلجأو إلى الأعشاب اللى فيها أرواح الألهه علشان يحاربوا بيها الأمراض وهيه الأرواح الشريره ومن هنا اختلط السحر والشعوذة بعلم الصيدله ودة بيفسر ليه القدماء المصريين كانوا بارعين جدا فى السحر 
والصيدله بيحكمها ٢٦ دستور من الدساتير العربية لأننا كنا متقدمين جدا فى المجال دة لدرجه إن العلماء المصريين كان عندهم إله للصيدله الإله امتحوتب ولقبه الإلهى مربتاح 
اتولد فى لاقصر ووالده كان مهندس ورغم إن مربتاح كان مهندس اصلا فكان متقدم جدا فى علوم الصيدله لدرجه إنه كان وزير الملك زوسر فى الاسره التالته وتلقب بالكاهن الاعظم وبراعته فى علوم السحر والعماره والفلك ألا إن براعته فى علوم الصيدله فاقت كل التوقعات وبفضل مهارته وكفاءته كان الرجل الأول بعد الملك وانشأو له المعابد اللى كان من أهمها معبد منف اللى كان جزء منه مكتبه مهمه جدا اتحولت بعد كده لمدرسه لعلوم الصيدله والطب وهو اول واحد يبنى المقابر على شكل اهرامات وكل دة دفع المصريين انهم يعبدوه لحد سنه ٢٥٠٠ ق.م حتى الشعب الإغريقى أطلق عليه إله الطب 
معلومات الصيدله موجوده فى برديات مثل 

• " برديه قرطاس " 

اكتشفوها فى مقبره فى لاقصر سنه ١٨٦١ مسجل عليهم ٤٨ وصفه طبيه لجراحه العظام والجراحه بشكل عام إضافه لبعض الوصفات اللى بترجع المسن لشبابه واشتراها أثرى أمريكى ولاحظ إن البرديه فيها وصفات لجراحه العظام داخل جسم الانسان 

• " برديه إيبريس"

طولها ٢٠ متر وعرضها ٣٠ سم فيها ٧٠٠ ماده طبيه استخدمها القدماء المصريين علشان يصنعوا ٨٧٠ وصفه طبيه اكتشفوها فى لاقصر

• " برديه كاهون" 

هى عباره عن قطعتين اكتشفوها فى مدينه كاهون فى الفيوم  وبتضم ٣٥ وصفه لعلاج أمراض النساء والقطعه التانيه خاصه بأمراض الطب البيطري 

• " برديه هيرست" 

وكان فيها ٢٦٠ وصفه طبيه وكان فيها وصفات طبيه على شكل حبوب ودة اكبر دليل إن القدماء المصريين اخترع العلاج على شكل أقراص من ١٥٠٠سنه ق.م وكانت البرديه موجوده فى متحف كاليفورنيا 

• " برديه برلين " 

بتضم ١٧ وصفه طبيه من بينهم اختبار حمل وعدد من التعاويذ وموجوده فى متحف برلين وإن المصريين القدماء هم أول شعب يخترع اختبار الحمل 

• "برديه لندن"

فيها وصفات لعلاج العيون والحروق والجروح وبعض اسرار التحنيط وموجوده فى متحف لندن 

• " برديه المشايخ" 

بتضم ٢٢٧ وصفه لعلاج العيون فى الوقت الذى لم يكن فيه اى اجهزه طبيه حديثه للكشف عن العيون 

• " برديه زويحه"

وبتضم خمسه وأربعين وصفه للأمراض الجلديه وموجودة فى متحف الفاتيكان 
بعد ما المختصين راجعوا البرديات دى اكتشفوا شئ مهم جدا وهى إن الجدار المصرى اللى كتبها كتبها بطريقه مذهله لانه كتب مع كل وصفه علاجيه نوع المرض وطريقه الفحص والتشخيص ونوع العلاج وطريقه تحضيره واكتشفوا أن البرديات المصريه بتحتوى على نباتات مش مصريه ودة اكبر دليل على إن الملوك المصريين القدماء كانوا مهتمين جدا بعلم الصيدله والأعشاب لدرجه انهم بعتوا بعثات حتى يجلبوا نباتات من خارج حدودهم ويصنعوا بيها ادويه جديده 
شهره الصيادله المصريين كانوا عظماء جدا لدرجه إن الإغريق مجدوهم 
إضافه إلى أن الملوك وملوك البلاد المجاوره كانوا بيلجأو ليهم 
ومع مرور الوقت وتقسيم الطب لتخصصات كتير مثل طب الاسنان والعلاج الطبيعى والتجميل وطب الاطفال وجراحه القلب والمخ والأعصاب وأمراض الكلى والعيون والطب البيطرى والتحاليل وأمراض النخاع والامراض الجلديه ونسا وتوليد وعظام وباطنه وأمراض عقليه وغيرها من التخصصات بعد ظهورهم اتحول الطبيب الصيدلى لمجرد فرع من ضمن الفروع الكتير دى بعد ما كان هو الأصل ظهرت مشاكل جديده بدأت تضر تخصصه هو شخصيا مثل إن اعداد الصيادله زادت المعدل العالمى صديلى واحد لكل ٥٠٠٠ مريض 
وأصبح اليوم الصيدلى لديه تكليف والتكليف هوه أن بعد تخرج الصيدلى يتم عمله فى اى مستشفى لمده معينه وبعد انتهاء مده التكليف يتم تعيينه مباشره فى الحكومه وبالتالى الصيدلى الذى لا يتم تكليفه لا يحصل على التعيين 
كما إن هناك قانون بيمنع أن يتم فتح اكثر من صيدله بجانب بعض فلابد من وجود مسافه مابين كل صيدليه والأخرى وبالتالى فرص الصيادله كل يوم بتقل فى انهم بيفتحوا صيدليات مع تزايد أعداد الناس اللى بتفتح صيدليات