عمارة العفاريت

انا نغم عندى ٢٤ سنه خريجه كليه اداب قسم لغات شرقيه حكايتى بدأت لما اتعرفت على احمد وكان لسه معزل جديد وساكن جنبنا كان مهندس قد الدنيا واتنقل واضطر أنه ياخد شقه جنبنا وبعد كده حصل نصيب واتخطبنا وبقا هو كل حياتى 
فضلنا كتير جدااا فى محاوله البحث عن شقه بسعر معقول على لك فلوسنا لكن من غير اى أمل مش بنلاقى يا اما بنلاقى بس بشروميت الف جنيه ويأسنا خلاص وابتدينا نفكر نسكن مع حد من اهلنا يا اما بيته يا اما بيتى لحد ما فى يوم لقيت احمد بيتصل بيا وهو الفرحه مش سايعاه وبيقولى خلاص يا نغم اتحلت كل مشاكلنا خلاص ولقيت الشقه
ساعتها قلبى كان هيطير من الفرحه بس فرحتى انكسرت اول ما سمعت العماره دى فين وساعتها روحت جايه قايلاله ايه؟ احمد قول انك بتهزر عماره العفاريت ؟ دة أنت لو مش هتجوز خالص مش هسكن فيها يا احمد ربنا يهديك خلينا زى ما اتفقنا عند اى حد مننا اهو احسن من البهدله دى 
لقيته قالى نغم دة قرار مش هنتناقش مالها العماره مش احسن من بهدلتنا فى بيوت اهالينا اهى شقه لينا وبعد خيام دام اسبوع قررت انى أتنازل واروح هناك ببركه ربنا وهو الحامى وفعلا روحنا شوفنا الشقه ومقولتش لبابا ولا ماما هيه مكانها فين غير بعد ما احمد كتب عقدها لأنهم اكيد مش هيكونوا متطمنين لو سكنت فيها بس لما تبقى خلاص اشتريناها هيسلموا أمرهم لله وخلاص وفعلا بدأنا نجهز فى الشقه لحد لما خلصت واتجوزنا والحمدلله قعدنا اسبوع بخير ومفيش اى حاجه لكن الحلو مبيكملش زى ما بيقولوا لأن اللى جاى اصعب بكتير 
نزل احمد الشغل وكان قلبى مقبوض اوى أنه هيسيبنى لوحدى بس محصلش اى حاجه ولا ترزيع ابواب ولا اى حاجه 
احمد جيه من الشغل قعد يقولى مش عارف يعنى دة الاسانسير جديد بيعلق ليه فقولتله مالك بس يا احمد جاى متضايق ليه 
قالى مش عارف ياستى كل ما اتطلب الرقم السابع يطلعنى الدور العاشر قعدت اضحك واقوله طب يلا معلش روح بس كده عقبال ما احضر العشا

المهم فعلا حضرتك العشا بس لقيت احمد نايم حاولت اصحيه ياكل بس مرضاش ابدا والنوم اتغلب عليه روحت المطبخ علشان اشيل الاكل سمعت صوت حد بيصوت وفجأه سمعت هبده طلعت أجرى اشوف ايه وفتحت الشباك لقيت فيه واحد واقع فى المنور طلعت أجرى وصحيت احمد وطلع يجرى يشوف فيه ايه بس الغريبه أنه ملقاش حد خالص قعد يقولى يا نغم حرام عليكى بقا انا تعبان وعايز انام يعنى ينفع التهيؤات دى انا ساعتها زعقتله وقولتله دى مش تهيؤات انا بجد شوفت حد قالى طب أهدى انتى شكلك متوتره وقلقانه تعالى ننام وباذن الله هتبقى كويسه دخلت فعلا انام بس قلقت وقولت اروح أشرب شربت فعلا وببص لقيت احمد صحا وفتح الباب وطالب الاسانسير قولتله رايح فين يا احمد مردش عليا روحت اشوفه راح جاى داخل الاسانسير طبعا أنا بقيت مش عارفه اعمل ايه روحت جايه قايلاله استنى يابنى انا هاجى معاك فيه أيه مالك وروحت لبست الاسدال بتاع الصلاه وطلبت الاسانسير علشان انزل بس الغريبه أنه طلعنى الدور العاشر ولقيت احمد واقف وداخل البيت اللى فى الدور بقيت عماله انادى عليه بصوت واطي يا احمد رايح فين فهمنى بس مردش فجأه لقيت ايد غريبه بتسحبنى للشقه بقيت اصوت وانادى على احمد بس مش بيرد عليا بدأت اصوت وانا مرعوبه من الشقه الضلمه لحد لما عرفت أجرى ونزلت أجرى السلم وانا بترعش من الخوف ونزلت ادور على احمد والصدمه انى لقيته نايم زى ما هو ولا كأنه كان فى حته ضحيته وانا عماله اعيط وفاقده اعصابى قعد يهدينى ويقولى يابنتى ممكن تكونى بتحلمى ساعتها قعدت ازعق واقوله لا انا مش بيتهيألى انا مش مجنونه وقولتله انا مش هقعد هنا ثانيه واحده قالى بس يا نغم استهدى بالله فضلت أعيط وهو يهدينى لحد لما طلع علينا الصبح واحنا مش قادرين وهنموت من قله النوم راح الشغل بقيت اعيط واقوله ارجوك يا احمد بلاش تسيبنى قالى يابنتى انا سايب بنوته ميه راجل ونزل لقيت الباب بيرن كان قلبى هيقف روحت اشوف مين وانا مرعوبه فتحت بس اطمنت وفرحت لانى لقيت بابا وماما قعدوا يطمنوا عليا وقعدوا يقولولى انتى كويسه يابنتى وانا طبعا مش عايزه اقلقهم وقولتلهم الحمدلله انا كويسه جدا وقعدوا يقولوا شكل العماره فعلا بقت كويسه يابنتى ربنا يسعدك فيها وطبعا انا من جوايا نفسى احكيلهم عن كل حاجه 
المهم لقيت باب الشقه بيتفتح وكان أحمد رجع من الشغل بس كان متضايق جدا لدرجه انه منتبهش لوجود بابا وماما وشبه مرحبش بيهم وبابا وماما حسوا إن فيه حاجه غريبه فخدوا بعضهم وقاموا علشان يمشوا لكن احمد فاق وقعد يقولهم لا لازم نتعشى مع بعض وتباتوا معانا بس هما أصروا يمشوا طبعا ساعتها سألت احمد فيه ايه وليه عامل اهلى بس متكلمش ولقيته قعد يشغل القرآن على غير عاده احمد بس قولت الحمدالله ربنا هداه بعد شويه جيت احطله الاكل بس مكانش عايز ياكل ولقيته بيقولى تعالى يا نغم عايزك فى حاجه مهمه سببا اللى فى ايدى وقومت اشوفه قالى 
هوه حصل معاكى حاجه غريبه النهارده فقولتله لا الحمدلله مفيش حاجه ليه ايه حصل 
بدأ يتنهد شويه ويحكيلى ويقولى انا وانا جاى فتحت باب الاسانسير لقيت قطط كتير لونها اسود دخلت معايا الاسانسير مع انى معرفش ليه كميه القطط دى كلها المهم بقا انى وانا راكب الاسانسير لقيت القطه بتتكلم ايوا يا نغم بتتكلم وبتقول احنا مش عايزينكوا معانا هوه اكيد دى مش قطط دى اللهم ما يحفظنا من الجن احنا لازم نجيب شيخ يقرى وفعلا احمد اتصل بواحد صاحبه خاله شيخ ورفض أنه يروح الشغل وجيه الشيخ وقال إن العماره كلها عايزه تحصين بأيات القرآن وبدأ فعلا يقرى فى كل جزء فى العماره يشرب بوق ميه ويكمل قرايه تانى وحرفيا انا كنت حاسه كأن البيت كله بيتهز مش مبالغه لحد لما طلع عندنا الشقه وقالنا خلاص كده بإذن الله مفيش اى حاجة وفعلا الله يكرمه قال كلمته وكان قدها محصلش اى حاجه وبدأت العماره يبقى فيها سكان وسكن فى نفس الدور معايا ناس بس لحد دلوقتى ولا نسيت اللى حصل ولا نسيت الدور العاشر.....................