لا تلعب مع الدارك ويب

لا تلعب مع الدارك ويب

لا تلعب مع الدارك ويب

انا خالد طالب فى اول سنه ليا فى الكليه كنت زى اى شاب فرحان بدخولى الكليه وان ربنا كرمنى ودخلت كليه الطب وفرحت ابويا ورفعت راسه قصاد البلد منا من سوهاج وكان معايا صحابى عادل وتوفيق صحابى من البلد وعشره عمرى عادل دخل كليه الحقوق اما توفيق دخل كليه التجاره نزلنا احنا التلاته علشان ندور على شقه فى القاهره نقعد فيها طول مده الدراسه ما احنا كلنا جالنا جامعه القاهره


المهم نزلنا فعلا مصر كنت اول مره اروحها كانت واسعه وزحمه اوى زحمه يا دنيا زحمه على رأي عدويه اول ما نزلنا القاهره ومعانا شنط السفر زى ما تقول السماسرة كده قطعوا أننا محتاجين شقه لقينا راجل سلم علينا وقالنا انا عم محمد شكلكوا كده بيدور على شقه يا بهوات عندى شقق جاهزه من مجاميعه بس ايجارها عالى شويه رد عليه عادل وقاله يا ريس احنا طلبه غلابه ايجار عالى ايه هيه شقه عريس احنا يدوب عايزين اوضه وصاله واحنا هندبر نفسنا فيهم يعنى مش عايزين ندفع اكتر من خمسين جنيه فى الليله رد عليه عم محمد وقاله يبقى بره عنى الموضوع دة روحوا شفولكوا اى علبه سردين وناموا فيها لسه هرد عليه واشتمه قالنا بقولكوا ايه انا معنديش غير شقه كده مش بطلعها غير للحبايب بصوا الشقه دى جاهزه وفيها كل حاجه ومش هتدفعوا غير الخمسين جنيه بتاعتكوا وايه كمان دى شقه اربع اوض وصاله طبعا احنا استغربنا بس محدش فينا اتكلم وروحت قايل يبقى توكلنا على الله وروحنا الشقه اول ما دخلناها قعدنا نغمز لبعض كأننا بنقول  لبعض ازاى دى تكون بخمسين جنيه فى اليوم وابتديت احس ان فيه حاجه غلط او نصبايه بس سكتنا علشان كنا مقتولين من قله النوم كل واحد فينا دخل على اوضه وسيبنا كل حاجه فى الشنطه اول ما صحيت من النوم حاولت اصحى عادل وتوفيق وقولتلهم اصحوا يلا علشان نشوف هنفطر ايه ونرتب هدومنا فى الدواليب المهم مكانوش راضيين يصحوا من النوم قعدت انا اطلع هدومى من الشنطه واحطها فى الدولاب بس اثار قضولى كلمه مكتوبه  جوا الدولاب ( لا تلعب مع الدارك ويب) محطتش فى دماغى اوى وقولت يمكن البيت كان فيه اطفال وبيلعبوا بس ايه اللى هيعرفهم بإسم الدارك ويب انا كانت معلوماتى عنه محدوده برضوا مش قد كده كل اللى اعرفه انه بتاع عفاريت باين خلصت الدولاب وروحت صحى عادل وتوفيق اللى كانوا نايمين كأنهم بقالهم زمن مناموش صحوا بالعافيه وفوقوا وقولتلهم يلا يا بشوات انا هحضر الفطار عقبال ما تعملوا الدواليب مش عايزين كركبه فى الشقه من اول يوم كده وفعلا حضرتك الفطار وقعدنا فطرنا لقينا توفيق بيقول يا عيال شكل كان فيه عيال بس اشقيه اوى فى البيت هنا دول راسمين على الدولاب بتاعى وكاتبين كلمه غريبه كده قولنا انا وعادل فى نفس واحد لتوفيق كلمه ( لا تلعب مع الدارك ويب صح؟ ) فقالنا اه بس الغريبه هما ايه اللى عرفهم بالدارك ويب دة بتاع بيع أعضاء وشراء أعضاء ولو عايز تقتل حد تقتله وليله تانيه قولتله يا عم انا اعرف أنه بتاع عفاريت مش لدرجه القتل يعنى قالى ياعم اسكت دة انا سمعت قصص كتير عنه وإن لو حد عايز يقتل حد ممكن يديله اسمه ومواصفاته وعنوانه ويخلص عليه قولتله يعنى مثلا انا لو عوزت اقتلك هروح أقول للدارك ويب اللى هما اصلا عايشين بره مصر تعالى اقتل توفيق الاهبل دة هيجى يقتلك قعد يقولى يا عم انت مش فاهم حاجه اه يقتلنى عادى قعدت أقوله بطل هبل طب انا هثبتلك احنا ننزل الكليه دلوقتى ولما نرجع نفتح الموقع على اللاب توب بتاع عادل وهنحاول نعمل كده قعد يقولى لا طبعا أنا مش عايز إثبات عايز تقتل اقتل نفسك لكن متخليناش نخسر بعض لو  عملت كده اعتبر نفسك خسرتنى عادل قعد يهدى فينا ويقولنا فيه ايه يا جماعه هتخسروا بعض على حوار اهبل وبعدين يا توفيق ما انت مكبر الموضوع بصراحه هوه يعنى القاتل هيجيلك من امريكا يقتلك قاله اه يا سيدى هيجى يقتلنى تصدق!! المهم الوقت كان اتأخر روحنا الكليه ورجعت من الكليه كان عادل فى البيت وبيعمل الغدا وقالى اهوه يا عم عملتلكوا الغدا اى خدمه قعدنا نهزر واقوله والله الواد توفيق دة عيل جبان واهبل فقالى اه بصراحه مكبر الموضوع اوى فقولتله طب والله لأخليه يشوف بنفسه انا هدخل الموقع فعلا وابعتلهم انى عايز اقتله وبعد اسبوعين ولا حاجه ابقى أقوله ادينى بعت رساله وانت لسه عايز اهوه يا جبان .


 عادل قالى استنى وانا كمان عايز اتفرج وفتحنا اللاب توب ودخلنا الموقع طبعا مدخلناهوش بالساهل خالص كان فيه طلبات كتير ورسائل كتير بتأكد مسؤليتك الكامله عن دخولك فى الموقع واحنا عمالين ندوس ok وخلاص بعد كده دخلنا الموقع كان متقسم لغرف فيه منه بيع أعضاء وفيه شراء أعضاء وفيه قتل انسان دخلنا على قتل انسان ولقينا أننا ممكن ندفع فلوس أو مقابل الخدمه ياخدوا أعضائه قعدنا نهزر ونقول الولا توفيق دة صحته حلوه مش خساره أعضاءه فيهم ابعت يا ابنى ابعت بعتنا الطلب ولقينا مكتوب سيتم تنفيذ المهمه بعد اسبوعين واحنا قعدنا نضحك ونقول دة احنا كمان اسبوعين هنضحك عليه ضحك بعد كده جيه الليل وتوفيق كان وصل البيت وقعدنا نتعشى واحنا عمالين نبصله ونضحك وهوه يقولنا انا مش مستريحلكوا انتوا مخبيين حاجه عنى واحنا نقول لا يا عم هنخبى عليك ايه فتوفيق قال مع انى مش مستريحلكوا بس ماشى وبعد كده خلصنا العشا ودخلنا ننام علشان ننزل على الكليه بدرى وكل واحد دخل واوضته ونام فجأه وانا نايم سمعت صوت عياط جاى من الدولاب فقومت مفزوع وانا عمال اقول عادل لو بتعمل فيا مقلب انت او توفيق بلاش الحركات دى وقعدت اقرب للدولاب لحد لما فتحته وهنا كانت الصدمه لقيت جسم متقطع فى الدولاب انا طبعا من الخضه فضلت واقف مكانى مش قادر اتحرك لحد لما لقيت توفيق عمال يقولى فيه ايه يابنى انت مالك انت شكلك كنت بتحلم بحلم وحش


 يعنى انا كل دة كنت نايم!!!! طبعا كان الوقت اتأخر لبست ونزلت على الكليه بس الموضوع شاغل تفكيرى جدا وحاسس بخنقه بسببه وبعدين رجعت من الكليه وقاعدين بناكل بس كلنا قاعدين ساكتين على عكس طبيعتنا كلت وقعدت اذاكر بالليل والعيال نايمين علشان اركز حسيت أن فيه صوت فى الصاله خرجت اشوف فيه ايه بس ملقتش حاجه رجعت اكمل مذاكره وروحت فى النوم وانا قاعد وبعدين صحيت على نفس الحلم تانى صحيت الصبح لقيت توفيق بيقول انا من ساعه ما سكنت البيت دة وانا بحلم بحلم غريب كل يوم فسألناه انا وعادل بأهتمام ايه الحلم دة وحكالنا نفس الحلم اللى انا بحلمه واللى فوجئت أن حتى عادل بيحلمه بعد كده نزل توفيق وقعدت مع عادل أقوله شكل فى حاجه مش مطمنانى فى الشقه دى تعالى نروح نسأل صاحب الشقه فعادل قالى يعنى تعتقد أن الشقه لو فيها حاجه عم محمد دة هيقولك بس انا صممت انى لازم اروح له وفعلا خدت بعضى انا وعادل وروحناله وقعد يزعق ويقول مش كفايه مسكنكوا فى شقه زى الفل بإيجار ملاليم انتوا كنتوا تحلموا اصلا قولتله منا بقا جايلك علشان اعرف ليه حوار الشقه الكبيره اللي بتتأجر ببلاش دى وكده كده احنا ابتدينا نفهم قول علشان احنا مش هنمشى وهنعملك مشاكل قالنا خلاص انا هقول بس اصل هوه مش بيطلع لحد غير علشان يحذره من الدارك ويب وأنه بيحاول يحمى اللى داخل على خطر لكن طول ما انتوا ملكوش دعوه بالبرنامج الملعون دة مش هيظهرلكوا احنا وقفنا فى مكاننا من الصدمه مش عارفين ننطق عادل قاله دارك ويب ايه احنا فتحناه فعلا الراجل قعد يقول يارب الطف يارب ليه يا اساتذه فتحتوا البرنامج دة انا قولت عليكوا متعلمين ومتنورين وفاهمين خطورته لقيت نفسى مسكت فيه وهضربه وقولتله أنت لو منطقتش وقولت فيه ايه مش هيحصلك طيب قالى يا استاذ كان قبل ما تسكنوا فيه شاب زى حالاتكوا كده كان مستريح ومعاه فلوس وابن راجل غنى اوى بس مكانش بيعرف الالف من كوز الدره خد الشقه دى واتعرف عليه شله شباب عايزين يفسدوا أخلاقه ويقلبوا منه فلوسه لحد لما فى يوم قعدوا يتحدوه أنه جبان وملوش فى المغامره فعمل رهان بينهم أنه يفتح الدارك ويب دة وفعلا فتحه وماكنش عارف فيه حاجه مهو مش عارف يقرى مش متعلم كان الله يرحمه قعد بقا يضغط على اى زرار ومكانش عارف أنه بينهى حياته بإيده بس ومن ساعتها واحنا دخلنا الشقه لقيناه مقتول ومتاخد منه كل أعضاءه ومفيش حد كان راضى ياخد الشقه ابدا بعد اللى حصل مشينا من عنده واحنا مصدومين وبقينا نقول معنى كده أن الدارك ويب دة حاجه خطر بجد زى ما توفيق بيقولنا وان الروح اللى فى البيت كانت عايزه تنقذنا يعنى كده توفيق كان معاه حق


 توفيق!!!!!      احنا لازم نروح نحذره جرينا على الشقه قعدنا نرن الجرس ونخبط بقيت ادعى ربنا أنه ميكونش رجع من الكليه فتحنا الباب لقينا لقينا توفيق مقتول ومتاخد منه كل أعضاءه ايوة انا انا اللى قتلت صاحبى وعشره عمرى بإيدى عادل قرر يهرب ومعرفش راح فين لحد دلوقتى أما أنا فأنا بكتب اخر رساله هسيبها بعد ما أودع الدنيا لازم اروح بنفسى اعتذر لصديقى وصديق عمرى واقوله أن كلامك كان صح يا صاحبى بس قبل ما هنتحر هكتب على كل حيطه فى الشقه وكل باب ( لا تلعب مع الدارك ويب) .

ما هو رد فعلك؟

like

dislike

love

funny

angry

sad

wow