ما لا تعرفه عن جزيرة الدمى المسكونه

جزيرة الدمى ممكن يبقى فيه مننا ناس سمعت عنها لكن الأكيد انهم ميعرفوش حقيقتها الكامله

ما لا تعرفه عن جزيرة الدمى المسكونه

جزيرة الدمى ممكن يبقى فيه مننا ناس سمعت عنها لكن الأكيد انهم ميعرفوش حقيقتها الكامله 

جزيرة الدمى دة مكان حقيقى مش خيالى موجود فى مكسيكو سيتى 

الجزيره دى بتحتوى على تلات أكواخ وفيها آلاف من للعرايس المشوهه والاكيد انك اول ما تبصلها مش هترتاح ابدا بالعكس هتحس بضيق وعدم ارتياح من وجودك فى المكان دة ولو سألت السكان اللى عايشين هناك هيقولولك أنها جزيرة مسكونة بالأشباح وأنها جزيره ملعونه 

 

  • طيب ممكن نروح الجزيره دى ازاى؟ 

مفيش اى طريقه تروح بيها الجزيره دى غير طريق واحد هو من خلال قنوات سوتشي ملكوا المائية ودى بتكون على بعد ساعتين من مكسيكو 

جيراردو ايبارا مؤسس شركة Ruta origen وهي شركة سفر في المكسيك قال فى لقاء صحفى إن في جندى أسبانى دمر حضاره الازتيك فى المسكيك مع قواته دة غير المعاملة البشعة اللى بيعملوا بيها الهنود الحمر وده أدى إلى أن ناس كتير تهرب إلى سوتشي ملكوا فى القنوات المائية وكان معظمهم يا اما نساء يا اما اطفال وللأسف اضطرت النساء فى الوقت دة أنها تقتل نفسها بنفسها علشان محدش من القوات الاسبانية يلاقيهم ويعتدي عليهم وكانت الجزيرة مكان لاختفائها فيها والجزيرة دى مش موجوده فى مكان مجهول دة بالعكس هى موجوده فى حدود مدينة من أكبر العواصم الموجودة فى العالم 

واستخدام المكان دة لاختباء الثوار فيه والممارسين الدينيين الذين انتهى بهم الأمر فى الاخر بالقتل لو الغرق 

 

  • وفي خمسينات القرن الماضى 

كان فيه واحد اسمه جوليان سانتانا كان بيتمشى خارج المنزل وفوجئ بحثه بنت صغيرة فى قاع الممر المائي اللى كان قصاد منزله وساعتها قال روجيليو سانشيز سانتانا وهو ابن اخ باريرا أن الطفله دى كانت بتسبح مع اختها أو صحابها و جرفها التيار وغرقت ومن ساعه ما عمه عثر على الجثة وحصلت مشاكل غريبه كتير وبدأ عمه يقول إن روح البنت ملكته دة غير ان فى يوم من الأيام وجد أن كل محاصيله ماتت وحاول كتير يحسن من محاصيله لكن كل محاولاته باءت بالفشل وبدأ الخوف يتملكه اكتر من الاول 

وقرر أنه هيبنى مذبح فى الكوخ اللى كان عايش فيه هو وزوجته وكان الكوخ بيتكون من غرفة واحدة علشان يرضى روح البنت وبيحكى أن عمه بدأ يجمع الدمى بشكل كبير جدا مقتنع أنه كده بيحمى نفسه من الروح لحد لما جمع اكتر من 1000 دمية

 

  • طبعا كله بيسأل هو بيشترى الدمى دى كلها منين 

بس هوه كان يجمعها من القمامة أو فيه جيران كانوا عارفين إنه مهتم بجمع الدمى أو هو يطلب منهم يبعتله الدمى يا اما فيه زوار تجيبله الدمى دى وقعد يعلقهم على الأشجار لحد لما بقا شكلهم مرعب جدا وكان فيه منهم اللى تحت واللى مقطوعة الرأس وكان شكلهم فى غايه الرعب 

وفى 2001 توفى باريرا فى نفس المكان اللى عثر فيه على الطفله الصغيره بنوبه قلبية وبعد سنين ظهرت نفس الجزر لدمى بس متقلده فى نفس المكان وأنها بقت عباره عن تجاره كبيره خصوصا أن المنطقه دى بقا بيجيلها زوار من كل أنحاء العالم وبقت منطقة سياحية كله عايز يشوف جزيرة الدمى المسكونة في الحقيقة ومات باريرا قبل ما يشهد الأفواج السياحية اللى بقت تيجى علشان تشوف الدمى اللى هوه علقها بنفسه 

وبيقول سانتانا أنه ساعات بيشوف ظلال بالليل مع ضوء القمر 

دة غير ان كتير من الزائرين بيقولوا انهم شافوا عيون الدمى المتعلقة وهى بتتحرك وسمعوا الدمى بتتكلم ونفس الكلام بيقولوا كتير من الزوار 

 

اكيد دى مش صدفه واكيد جزيرة الدمى الملعونه هيه فعلا ملعونه............

ما هو رد فعلك؟

like

dislike

love

funny

angry

sad

wow